Thursday, July 28

Comic Con 2016

Dit is nou weer hierdie tyd van die jaar... Die geleentheid waaroor ons droom om na te gaan... Die San Diego Comic Con! Comic Con is 'n nie-winsgewende organisasie wie se doelwit dit is om bewusmaking en waardering vir comics en soortgelyke platforms te skep. Dit is in 1970 begin deur 'n groep comic liefhebbers en is in die  kelder van 'n hotel gehou met ongeveer 300 bywoners. Meer onlangs het die bywoningsgetal  gegroei tot ongeveer 130 000 mense wat amper die maksimum kapasiteit van die San Diego Convention Centre is. Hierdie convention is hierdie jaar van 21-24 Julie gehou en daar was soveel opwinding verbind aan 2016 se International Comic Con!

Van die panele het ingesluit: Televisieprogramme soos Game of Thrones, Grimm, Once Upon A Time, Teen Wolf,  Arrow en The Flash. Fliekpanele soos Wonderwoman, Justice League, Suicide Squad en Kong:Skull Island. Lokprente van flieks en nuwe televisieseisoene is ook ekslusief by Comic Con vrygestel. Daar was ook talle handtekening-geleenthede met sterre van The Flash, Game of Thrones en skrywers soos Sarah J. Maas.

Hier is 'n paar van die ekslusiewe lokprente wat vrygestel is by 2016 se International Comic Con:







Ons kan nie wag vir al hierdie nuwe flieks en reekse nie! Laat weet ons wat jy gedink het van 2016 se Comic Con en na watter van die flieks of reekse jy die meeste uitsien.

Tot wedersiens!
MI

Tuesday, July 5

Dinge Van Nou

Hier is 'n paar dinge waaroor ons opgewonde is/ gevoelens oor het:

Die Miss Peregrine's Home for Peculiar Children trailer is uiteindelik hier. Ek gaan nie eers vir julle sê hoe awesome die boeke is waarop die fliek gebaseer is nie, want die trailer sal klaar genoeg sê. (En almal weet die boeke is altyd beter as die flieks, so lees net die boeke voor jy die fliek kyk. Daar is prentjies in, so selfs al lees jy nie kan jy na die prentjies kyk.) Glo my net as ek sê dat jy hierdie fliek wil kyk. Tim Burton is in beheer van dinge, die storielyn is awesome en dit lyk asof die kwaliteit van hierdie hele situasie uiters goed is. EK KAN NIE WAG NIE.



Hiddleswift het 'n ding geword. Ek weet. Wat is besig om met die wêreld te gebeur? (As mens in retrospeksie na Tom se karakter, Loki, in die Thor flieks kyk en Taylor se karakter wat sy speel in
die Blank Space musiekvideo kan dit so klein bietjie sin maak.)
Spandeer ek die meeste van my vrye tyd in die vakansie daaraan om Hiddleswift te stalk? Dalk. Voel ek skaam daaroor? HEL NEE. Hiddleswfit is basies die Brangelina van ons generasie. Die hoeveelheid energie wat ek daaraan sit om die tydlyn van hulle romanse uit te figure is so bietjie pateties, maar hey. Wat kan mens doen? You do you en al daai dinge.


JUNO. (Nee, nie die fliek nie. Ek het ook eerste aan die fliek gedink en toe is soos "Oooo. Die ander Juno!" As jy nie weet wat die ander Juno is nie, moenie vrees nie! Gelukkig vir jou is jy besig om hierdie artikel te lees deur iemand wat beslis baie bekwaam is om daaroor te praat.
Juno is 'n satelliet wat so paar dae terug by Jupiter aangekom het en in orbit om dit gegaan het.
AL WAT JY HOEF TE WEET IS DAT ONS AL HOE NADER AAN DIE ONTDEKKING VAN ALIENS IS.
Nou julle WEET ek is oortuig daarvan dat daar iewers aliens daarbuite is so enige vordering in ruimteontdekking maak my uiters opgewonde.

Laat weet ons van nuwe dinge wat jy onlangs ontdek het!

Tot wedersiens!
MI